ភ្នំពេញ៖ ក្នុងឱកាសបុណ្យភ្ជុំបិណ្ឌរយៈពេល ៣ថ្ងៃ ឆ្នាំ២០២២នេះ គ្រោះថ្នាក់ចរាចរណ៍នៅទូទាំងប្រទេសកើតឡើងសរុបចំនួន ៣៤ករណីដោយសារការបំពាននឹងល្បឿនកំណត់និងបើកបរមិនអធ្យាស្រ័យគ្នា ក្នុងនោះចំនួនអ្នកស្លាប់មានចំនួន ២៧នាក់ការកើនឡើងជាងពាក់កណ្ដាលបើប្រៀបធៀបនឹងឆ្នាំ២០២១។
តាមរបាយការណ៍របស់អគ្គស្នងការនគរបាលជាតិបានឱ្យដឹងថា គិតចាប់ពីថ្ងៃទី២៤ រហូតដល់ថ្ងៃទី២៦ ខែកញ្ញា ឆ្នាំ២០២២ ក្នុងអំឡុងពេលបុណ្យភ្ជុំបិណ្ឌ គ្រោះថ្នាក់ចរាចរណ៍នៅទូទាំងប្រទេសកម្ពុជាបានកើតឡើងសរុបចំនួន ៣៤ករណី ដោយមានអ្នកស្លាប់និងរងរបួសសរុបចំនួន ៨៤នាក់ ក្នុងនោះអ្នកស្លាប់ចំនួន ២៧នាក់ រងរបួសធ្ងន់សរុប ៣៤នាក់ និងស្រាលចំនួន ២៣នាក់។
គួរបញ្ជាក់ថាក្នុងអំឡុងពិធីបុណ្យភ្ជុំបិណ្ឌ កាលពីឆ្នាំ២០២១ មានករណីគ្រោះថ្នាក់ចរាចរណ៍សរុប ៣៥លើកដែលបណ្ដាលឱ្យមានអ្នកស្លាប់ចំនួន ១៤នាក់ និងរបួសធ្ងន់ស្រាលចំនួន ៦៤នាក់៕
ព័ត៌មានជាច្រើនទៀតសម្រាប់អ្នក
